Mpiri er ein føroyskur vokalbólkur í Keypmannahavn við 13 sangarum. Tað er ein sera ágrýtin bólkur, sum leggur seg eftir at syngja nýggjan, føroyskan kórtónleik.

Skráin til konsertirnar er ofta sera fjølbroytt. Síðan byrjanina hava fleiri føroysk tónaskøld skrivað tónleik beinleiðis til bólkin, so frumframførslur eru ofta á skránni hjá Mpiri. Samstundis sum vit eru ágrýtin, vilja vit eisini hava tað stuttligt, tá vit syngja, so livandi og fjølbroyttar framførslur eru eyðkennandi fyri vokalbólkin.